Percorrer as rúas de Ferrol ofrécelle a habitantes e visitantes a posibilidade de coñecer o Modernismo, un movemento  artístico e urbanístico do que se conservan na cidade numerosos edificios, e do que é referente o que foi arquitecto municipal nos primeiros 40 anos do século XX, Rodolfo Ucha Piñeiro.

A través das principais rúas ferrolás achegarémonos a 28 edificios que levan a sinatura de Ucha e que nos permiten coñecer o estilo modernista galego e a súa evolución cara ao Novo Eclecticismo 

No noso camiño atoparemos 17 inmobles edificados entre 1909 e 1916 que representan o estilo modernista e, á par deles, 11 construcións de corte máis sobrio pero monumental que definen a corrente neoeclecticista que Ucha desenvolveu entre  1918 e 1927.

Visitas guiadas con guía oficial de turismo, mércores e venres do 15 de xullo ao 31 de agosto, ás 11:00 h, e do 1 ao 10 de setembro os mesmos días ás 18:00 h.

Duración: 2 horas.

Punto de inicio: soportais do Teatro Jofre (Praza de Galicia)

Prezo: 10€ por persoa (menores de 10 anos gratis).

Aforo: mínimo 6 persoas e máximo 35.

Reserva previa necesaria na web https://ferrolguias.com/ o no email info@ferrolguias.com