Transporte da túa mochila no Camiño Inglés
Esta ruta marítima seguírona os escandinavos, centroeuropeos e peregrinos das Illas Británicas na Idade Media, a partir do s. XII, chegando aos portos de Ferrol ou A Coruña (e en menor medida a Ribadeo e Viveiro). O seu nome debeuse a que o maior número de peregrinos proviñan das Illas Británicas.
A primeira peregrinación que nos consta foi en 1147, coa chegada de cruzados que se dirixían a Terra Santa e tomaron parte na conquista de Lisboa fronte aos árabes.
En total son uns 120 km de percorrido que cada ano realizan miles de peregrinos de todas as nacionalidades, especialmente na primavera e outono.
Nas oficinas municipais de Turismo de Ferrol véndense credenciais do Camiño aos peregrinos.
En Ferrol, o Camiño Inglés discorre por dous tramos diferentes:
-O primeiro discorre pola zona histórica da cidade: zona antiga ou Ferrol Vello, zona céntrica do barrio da Magdalena e antigo barrio de Esteiro.
-O segundo tramo desenvólvese pola expansión urbana da cidade, en torno ao barrio de Caranza, así como a comunicación co polígono empresarial da Gándara.
A ruta non presenta dificultades para o peregrino, tan só cabe mencionar a saída da cidade cara ao polígono da Gándara, que presenta un carácter menos urbano. Neste último tramo, o percorrido dispón de beirarrúas en todo momento pero carece de pasos de peóns nos cruzamentos
COMPÁRTEO
