Na noite de aan Xoán as tradicionais fogueiras comunais en Ferrol chámanse “luminarias”. Cheira a lume e a sardiñas, que se asan ao aire libre e acompáñanse doutros manxares, como empanada e de viño, música…

Destaca a festa das luminarias en Esteiro, un dos barrios históricos da cidade. A Asociación de Veciños adoita organizar este día un mercado mariñeiro. Tamén se programan visitas guiadas gratuítas polo barrio, ao Cuartel de Dores e Fontelonga, a única das portas que se abrían nas murallas que protexían a cidade no século XVIII.