Carvalho Calero foi membro numerario da Real Academia Galega, así como o primeiro catedrático de Lingüística e Literatura Galega da Universidade de Santiago. Dedicou a súa vida a dignificar o idioma e a cultura galega.

En memoria deste ilustre ferrolán quedan hoxe un instituto de ensino secundario, un centro cultural, unha rúa e un prestixioso certame de narrativa e de investigación lingüística-literaria.

O Concello de Ferrol organiza eventos culturais periodicamente. Comprobade na web do concello a programación da sala de exposicións temporais do centro cultural.

Este centro pode acoller reunións e eventos no salón de actos, previa solicitude. Conta con sala de exposicións e biblioteca pública.