As Meninas de Canido nacen pola necesidade de crear un novo barrio cheo de esperanza sobre a ruína e o abandono utilizando a arte como ferramenta.
O artista Eduardo Hermida no ano 2008 comeza unha intervención artística que deu a volta ao mundo e converteuse nun referente na arte urbana a nivel internacional.
Hoxe Canido é un barrio cheo de vida e as súas “Meninas” unha pinacoteca ao aire libre que atrae a miles de persoas cada primeira fin de semana de setembro durante o seu festival anual e transforman o barrio dunha maneira única nun espazo colorista no que centos de artistas deixaron a súa obra. Un atractivo turístico e cultural de visita obrigada se te atopas en Ferrol.
COMPÁRTEO
