Casa do Coronel. Praza de Canido s/n
Horario:
De luns a sábado de 9.30 a 12.30 h e de 16.30 a 19.30 h.
Domingos e festivos de 10.00 a 13.00 h.
Os meses de xullo e agosto, o noso horario de atención ao público é de 10.00 h a 13.00 h
Entrada libre.
Telf.: 881 931 315 · 698 141 384 · museo@sghn.org
Google Maps: https://g.page/MHN-SGHN-Ferrol?share
Vídeo de visita ao MHN: https://www.youtube.com/watch?v=mBxHrPG6zjA
COMPÁRTEO
MUSEO DE HISTORIA NATURAL
O MHN, xestionado pola Sociedade Galega de Historia Natural -unha entidade científica e conservacionista sen ánimo de lucro- en convenio co Concello de Ferrol, é un museo singular en España.
Os seus fondos proceden das actividades da entidade e de doazóns de coleccións particulares, sempre baixo o principio de non danar a Natureza. Destaca a probablemente mellor colección de ósos de cetáceos ibérica, na que destaca o esqueleto dunha balea común de 18 m, e dermoplastias de cetáceos, focas e tartarugas mariñas. Unha lura xigante e raras especies de quenllas en líquidos conservantes son pezas moi raras, como os fósiles de Zifios de 15 millóns de anos de antigüidade, dos que o museo alberga holotipos únicos. Unha completa colección de moluscos de Filipinas do s.XIX, comparte espazo cunha mostra de herbarios e algarios, seccións de árbores procedentes de parques históricos, insectos, moluscos e crustáceos de Galicia, preparacións de aves e mamíferos atopados no medio e un apartado dedicado á caza de baleas.
Moi recomendable para visitas familiares e centros escolares polo seu enfoque didáctico.
