Este percorrido de 10 km parte da estrada que sae desde o castelo de San Filipe cara a San Cristovo onde hai que desviarse por un carreiro ao antigo castelo de San Carlos e proseguir cara ao areal de Cariño. Despois, dirección ao Pieiro, sóbese a Monteventoso, para descender logo ata O Confurco, en dirección aos Montes de Brión, onde o 25 de agosto de 1800, 15.000 ingleses foron derrotados por uns 3.000 ferroláns.

Cara ao pequeno núcleo de Liñares, descéndese cara a Brión e continúase ata A Cabana e o paseo marítimo da Malata.

Máis información en  http://clubmontanaferrol.gal/?page_id=1003