Miles de devotos soben de xeonllos ou a pé ao santuario da Virxe do Chamorro, seguindo as estacións do viacrucis a venerar á Virxe do Chamorro, tamén coñecida como Virxe do Nordés, nome de evocación mariñeira, xa que é o mellor vento para pescar na ría de Ferrol e tamén porque a ermida está ao nordeste da cidade.

Os romeiros ofrecen á Virxe candeas e exvotos e comparten unha xornada campestre con música popular. Desde este santuario tense unha vista moi boa da cidade e da ría de Ferrol.