Declarada de Interese Turístico Internacional no 2014, a Semana Santa Ferrolá remóntase ao s. XVIII   e é a principal festa da cidade e a máis espectacular de Galicia. En 9 días aglutina máis dunha vintena de procesións, actos litúrxicos das confrarías, exposicións e eventos culturais. Nas procesións participan uns 3000 confrades e a cidade recibe a miles de visitantes e turistas.

O Venres, día grande, destaca a procesión do Santo Encontro, na praza de Armas. Pola noite, emociona a procesión máis silenciosa, a dos Caladiños.